[i5i5] DE LA VILLE DE PARIS. 221

CCCXXVIII. ---- DeLIRERATION SUR LE RECUEIL DU RûY À PARIS À SA JOYEUSE VENUE.

22 janvier i5i5. (Fol. 288 r°.)

Oud. an le lundi xxii⁰ jour de Janvier, en Assemblée faicte de mess" les Conseillers, Quarteniers et bon nombre de bourgeois; et s'i sont trouvez des Conseillers : maistre Nicole Viole, mons^r de Thionville, sire Estienne Huvé, maistres Nicole Seguier, Nicole Charmolue, Charles de Montmirel, sire Geoffroy Du Souchay, Mary Bureau et autres, pour adviser de ce qui sera bon faire pour le recueil du Roy nostre s" en ceste ville de Paris à son Joyeulx advenement à la couronne, au retour de son sacre où il est de present'¹';

A esté conclud de recueillir led. S^r et luy fere don de par la Ville ainsi qu'il est acoustumé, et mieulx qui pourra, combien que la Ville ait eu par cy devant à supporter beaucoup de charges, au moyen de quoy elle est en grans restes. Et pour y fournir a esté remys l'expédient à Mess™ de la

Ville au moins mal qu'ilz pourront, soit à perle de finances en baillant les fermes des aydes de la Ville à aucunes années pour avoir advancement de deniers, ou autrement, ainsi qu'ilz verront estre à faire pour le mieulx ; et que riens ne se diminue des sollempnitez et prépara tifz acoustumez, tant d'aller au devant dud. S^r en honorables habitz et livrées, comme de porter le ciel sur led. S^r dedans la ville, faire dresser lices pour les joustes, tendre et nettoyer rues et mettre barrières es carrefours, et finablement faire toutes choses requises et acoustumées par cy devant pour le fait des Roys et Roynes; et à celle fin pourra l'en veoir les comples des entrées precedentes. Et quant au don, jusques à dix mil francs ou environ, ainsi qu'il est acoustumé, el en telle forme el maniere que mesd. s" Prevost et Eschevins sauront bien deviser à l'onneur de la Ville.

CCCXXIX. — Jour de l'entrée du Roy à Paris.

»5 février 15i5.

Et le jeudi xv⁰ jour du mois de Fevrier ensuivant oud. an mil v^c quatorze, le Roy feist son entrée à Paris environ trois heures après mydy; laquelle fut moult honorable et triumphante plus que de longtemps n'avoit esté veu, tant de la part des corps des communautez de la Ville qui allerent au devant, en honorables habitz de livrée, dont mesd s™ Prevost des Marchans, Eschevins et Clerc de lad. Ville, ves-tuz de robes my parties de velours cramoisy et tanné fourrées de martres, jusques à la Chappelle S'Denis faire aud. S^r la reverence, que de luy qui estoit vestu tout de blanc d'argent retraict par dessus son harnois, et faisoit continuellement saulx etpenades, en sorte que chascun s'en esmerveilloit, comme des

(Fol. 288 v°.)

princes et s^rs qui l'acompaignoienl: en groz nombre et multitude de gens grandement acoustrez d'orfa-veries à leurs devises.

Et en bel ordre marcha led. S^r et sa compaignie jusques à Nostre Dame de Paris, et de là au Palais où fut fait, de par led. S^r, en la maniere acoustumée ung groz et sumptueulx soupper ausd, princes els"; et y souppèrent et eurent leur table lesd. Prevost et Eschevins, et ceulx qui avoient porté le ciel de par les communautez de la Ville sur led. S^r à lad. entrée, et aucuns autres notables personages de la Ville. Et après le soupper se retira led. S^r et la compaignie chascun en son quartier.

CCCXXX. — Presentation du don fait au Roy de par la Ville après son entrée à Paris.

11 mars i5i5. (Fol. 289 ^v°')

Et le dimenche xi^e jour de Mars ensuivant oud. an, fut par mesd. s" Prevost et Eschevins, acompai-gnez de plusieurs Conseillers et bourgois de la Ville, presenté au Roy en don depar la Ville, pour cause

de son entrée et Joyeulx advenement à la couronne, le don qui avoit esté pieç'a advisé et ordoné ⁽²⁾ : c'est assavoir ung ymaige de sainct François assiz sur ung pié double à quatre pilliers, entre lesquelz pilliers a

''■' Voy. la note 3 de la page 220.

(2) En l'Assemblée de Ville du 22 janvier précédent, ci dessus art. CCCXXVIII.